ப்ரியம் சுழித்தோடும் வெளி

சொற்கள் புசிக்கும் வன்மௌனம்
ப்ரியத்தின் வேரில் தழையுரம்

மாறுதிசை மின்னோட்ட அதிர்வெண்ணாய்
நேசமும் நேசக்கோபமும்

வார்த்தைகள் தீராத வாதத்தின்
உலோகக்கரத்தில் சிக்கியும் இதழ்
பிரியும் ப்ரியத்தின் புன்னகை

தவறி விழும் ஒற்றைச்சொல்லில்
ரணத்தின் எடை இலக்க உயர்தலில்

நேசத்திடம் தோற்கையில்
யார் வெற்றிபெற்றவன்?
நான் தோற்கத் தயார்

குறிப்பு : (இது ‘உரையாடல் சமூக கலை இலக்கிய அமைப்பு’ நடத்தும் கவிதைப் போட்டிக்காக எழுதப்பட்டது).